ترنڈہ محمد پناہ پولیس نے کارروائی کرتے ہوئے 37کلو گرام سمگل شدہ غیر ملکی چاندی کی اینٹیں برآمد کر لیں۔
پولیس کے مطابق چاندی کو گاڑی کے ٹائروں میں مہارت سے چھپا کر کوئٹہ سے پشاور منتقل کیا جا رہا تھا، کارروائی کے دوران دو ملزمان کو گرفتار کر کے گاڑی قبضے میں لے لی گئی اور مقدمہ درج کر لیا گیا۔کسٹم حکام کے مطابق برآمد شدہ چاندی کی مالیت 3 کروڑ روپے سے زائد ہے جبکہ ملزمان چاندی سے متعلق کوئی قانونی دستاویزات یا ریکارڈ پیش نہ کر سکے۔برآمد شدہ چاندی مزید قانونی کارروائی کے لیے کسٹم انٹیلی جنس کے حوالے کر دی گئی۔
