ملتان میں شیر شاہ کے علاقے کے قریب زمیندارہ بند ٹوٹ گیا، بند ٹوٹنے سے بستی کھوکراں متاثر ہوگئی، لوگ گھروں کی چھتوں پر محصور ہوگئے، پانی ٹول پلازہ کی جانب بڑھنے لگا۔
بلوچستان سے ملتان اور اپر پنجاب جانے والی ٹریفک معطل ہو نے کا خطرہ ہے۔
شیر شاہ بند پر بھی شدید دباؤ ہے، پانی انتہائی خطرے کا لیول کراس کر گیا، اکبر فلڈ بند پر پانی کا دباؤ برقرار ہے، پانی بڑھنے سے اکبر پور، بستی کوتوال سمیت ملحقہ علاقے ڈوب گئے۔
حافظ آباد میں انتظامیہ نے علاقہ خالی کرنے کے اعلانات کیے، ہیڈ قادرآباد کے مقام پر 35 سے زائد دیہات زیر آب آگئے۔
جھنگ کے علاقے کھوڑاں باقر میں سیلاب متاثرین نے آمد و رفت کیلئے ٹائر ٹیوب کا استعمال کیا۔
