ایڈمنسٹریٹر میٹروپولیٹن کارپوریشن کوئٹہ مجیب الرحمن قمبرانی کی خصوصی ہدایت پر شہر بھر میں ٹریفک کی روانی کو بہتر بنانے اور شہریوں کو سہولت فراہم کرنے کے لیے غیر قانونی اسپیڈ بریکرز کے خلاف بھرپور کارروائی کا آغاز کر دیا گیا ہے۔اسی سلسلے میں آج زون نمبر 2 کی انسدادِ تجاوزات ٹیم نے جوائنٹ روڈ اور سپنی روڈ کے علاقوں سے مجموعی طور پر پانچ غیر قانونی اسپیڈ بریکرز ہٹا دیے۔
یہ اسپیڈ بریکرز ٹریفک کی روانی میں رکاوٹ اور شہریوں کے لیے مشکلات کا باعث بن رہے تھے۔علاقہ مکینوں نے میٹروپولیٹن کارپوریشن کوئٹہ کی اس کارروائی کو سراہتے ہوئے کہا کہ غیر قانونی اسپیڈ بریکرز کے خاتمے سے نہ صرف ٹریفک کی صورتحال بہتر ہو گی بلکہ حادثات کے امکانات میں بھی نمایاں کمی آئے گی۔
شہریوں نے مطالبہ کیا کہ اسی نوعیت کی کارروائیاں پورے شہر میں تسلسل کے ساتھ جاری رکھی جائیں۔
میٹروپولیٹن کارپوریشن کوئٹہ انتظامیہ واضح کرتے ہے کہ آئندہ اگر کسی فرد یا ادارے نے میٹروپولیٹن کارپوریشن کوئٹہ سے پیشگی این او سی حاصل کیے بغیر اسپیڈ بریکرز تعمیر کیے، تو ان کے خلاف سخت قانونی کارروائی عمل میں لائی جائے گی۔ایڈمنسٹریٹر میٹروپولیٹن کارپوریشن کوئٹہ کا کہنا ہے کہ شہری سہولیات کی بہتری، ٹریفک نظام کی بحالی اور شہر کی خوبصورتی کے لیے ہر ممکن اقدامات کر رہی ہے، اور عوامی راستوں پر کسی بھی قسم کی غیر قانونی تعمیر یا رکاوٹ برداشت نہیں کی جائے گی ۔
