ایرانی پارلیمنٹ کے اسپیکر محمد باقر قالیباف نے کہا ہے کہ ایران خطے میں مشترکہ سیکیورٹی سے متعلق چین کی تجویز کی مکمل حمایت کرتا ہے۔
محمد باقر قالیباف کا کہنا تھا کہ مشترکہ سیکیورٹی اپنانے پر چین کی تجویز اسی اصول کے مطابق ہے جس کی ایران طویل عرصے سے وکالت کرتا آرہا ہے۔
انہوں نے کہا کہ خطے کے ممالک کو اپنے مستقبل کی ذمہ داری خود سنبھالنی چاہیے۔ حقیقی استحکام اسی وقت ممکن ہے جب خطے میں ایسا نیا سیکیورٹی ڈھانچہ تشکیل دیا جائے جو اسی خطے کی ضروریات کے مطابق ہو اور ایران اس مقصد کے لیے تیار ہے۔
قالیباف کے مطابق ایران ہمیشہ علاقائی ممالک پر زور دیتا رہا ہے کہ وہ خطے سے باہر کی طاقتوں پر انحصار کم کرکے باہمی تعاون کے ذریعے سیکیورٹی انتظامات کریں۔
کہ چین کے صدر شی جن پنگ نے بھی مشرق وسطیٰ میں نئے سیکیورٹی ڈھانچے کے قیام کے لیے چار نکاتی حکمت عملی پر زور دیا ہے۔ مصری صدر عبدالفتاح السیسی سے ملاقات میں شی جن پنگ نے مشترکہ، جامع، تعاون پر مبنی اور دیرپا سیکیورٹی کے قیام کی تجویز پیش کی تھی۔
