ہزارہ ڈیموکریٹک پارٹی کے مرکزی بیان میں کہا گیا کہ ضلع کوئٹہ کے نئی مجوزہ بلدیاتی حلقہ بندیوں کے سلسلے میں پارٹی کی جانب سے اعتراضات اور تجاویز الیکشن کمیشن کے دفتر میں جمع کرایا گیا اس سلسلے میں پارٹی کی جانب سے قائم کردہ حلقہ بندی کمیٹی کے ممبران مرکزی سکیرٹیری اطلاعات قادر نائل، آرگنائزنگ سکیریٹری داود چنگیزی اور سکیریٹری مالیات مجتبی ایڈوکیٹ پر مشتمل کمیٹی اراکین الیکشن کمیشن کے دفتر میں پیش ہوئے اور پارٹی موقف و تجاویز کا بھرپور دفاع کیا بیان میں کہا گیا کہ پارٹی کوئٹہ شہر اور تمام حلقہ بندیوں کے حوالے سے ایک واضح موقف رکھتی ہے اس کیلئے پارٹی نے ہمیشہ ایک مثبت اور عوامی مفادات پر مبنی عملی اقدامات کئے ہیں پارٹی ہر طرح کے حلقہ بندیوں کے سلسلے میں ہمیشہ درست موقف پر کاربند رہ کر اپنا کردار ادا کریگی بیان میں کہا گیا کہ پارٹی بلدیاتی اداروں کو عوامی مسائل کے حل کیلئے ایک انتہائی اہم اور ضروری فورم سمجھتے ہوئے اس ادارے کی فوری انتخابات کو جمہوریت اور جمہوری عمل کے استحکام کے لئے بنیادی اہمیت کے حامل قرار دیتی ہے اور چند مہینے قبل کے بلدیاتی انتخابات کے التوا اور بلدیاتی حلقہ بندیوں کو جواز بناکرعوام کے بنیادی جمہوری حق کی پائمالی کو مسلط فارم 47 کی حکومت کی بوکھلاہٹ قرار دیا اور کہا کہ جعلی صوبائی حکومت نے عوام کے حق انتخاب کو ہمیشہ مذاق سمجھ کر اس سے انکار کی روش اختیار کی ہے مگر اب اس حق کو انھیں عوام کو دینا ہوگا بیان میں الیکشن کمیشن سے جلد از جلد حلقہ بندیوں کو مکمل کرنے اور صوبائی حکومت سیفوری طور پر بلدیاتی انتخابات کے انعقاد کا مطالبہ کیا گیا
38
