نمرہ خان کی ازدواجی زندگی سے متعلق افواہوں پر ساتھی فنکارائیں حمایت میں سامنے آگئے۔
اداکارہ منشا پاشا نےنمرہ خان کے شوہر زین حامد کی مبہم سوشل میڈیا پوسٹ پر ردعمل دیتے ہوئے سخت الفاظ استعمال کیے ہیں،منشا پاشا کا کہنا تھا کہ زین جیسے معمولی مردوں کی ایسی حرکت ہمیشہ ایک پیچیدہ مسئلہ رہے گی۔
منشا پاشا کے بیان کے بعد سوشل میڈیا پر بھی اس معاملے نے توجہ حاصل کرلی،اس سے قبل مارننگ شو ہوسٹ ندا یاسر نے بھی نمرہ خان کی حمایت میں پوسٹ شئیر کی تھی۔
مومل خالد نے نمرہ خان سے اظہارِ حمایت کرتے ہوئے کہا ہے کہ اداکارہ جس صورتحال سے گزر رہی ہیں، اس پر وہ دل گرفتہ ہیں،انہوں نے نمرہ کو موردِ الزام ٹھہرانے والوں کو تنقید کا نشانہ بنایا اور لوگوں پر زوردیا کہ وہ فیصلہ سنانے کے بجائے ہمدردی کا مظاہرہ کریں۔
