وزیر اعلیٰ بلوچستان کے احکامات اور ڈپٹی کمشنر کوئٹہ مہراللہ بادینی کی ہدایات پر بچوں کے غیر رجسٹرڈ، غیر برانڈڈ اورکھلے خشک دودھ کی فروخت کے خلاف کریک ڈاؤن جاری ہے۔اس سلسلے میں سرکی روڈ، نواں اڈہ اور بڑیچ مارکیٹ میں کارروائیاں کی گئیں، جہاں 5 دکانیں سیل اور 6 افراد کو گرفتار کر لیا گیا۔
اسسٹنٹ کمشنر سریاب مصور احمد اچکزئی، اسپیشل مجسٹریٹ اعجاز حسین کھوسہ اور اسپیشل مجسٹریٹ عزت اللہ نے بلوچستان فوڈ اتھارٹی کی ٹیم کے ہمراہ کارروائیاں کیں۔ضلعی انتظامیہ نے واضح کیا ہے کہ بچوں کے لیے غیر رجسٹرڈ، غیر برانڈڈ اور کھلے خشک دودھ کی فروخت کے خلاف کارروائیاں بلاامتیاز جاری رہیں گی اور خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔
