ملکی زرمبادلہ ذخائر میں ایک ہفتے کے دوران 13 کروڑ 32 لاکھ ڈالر سے زائد کی کمی ریکارڈ کی گئی ہے۔ اسٹیٹ بینک کے تازہ ترین اعلامیے کے مطابق 21 نومبر تک مجموعی ذخائر کم ہوکر 19.605 ارب ڈالر رہ گئے۔
اعلامیے میں بتایا گیا ہے کہ اسٹیٹ بینک کے اپنے ذخائر میں 92 لاکھ ڈالر اضافہ ہوا جس کے بعد مرکزی بینک کے پاس موجود ذخائر 14.56 ارب ڈالر تک پہنچ گئے۔
تاہم کمرشل بینکوں کے ذخائر میں نمایاں کمی دیکھی گئی۔ کمرشل بینکوں کے پاس موجود زرمبادلہ ذخائر 14.24 کروڑ ڈالر کمی کے بعد 5.04 ارب ڈالر رہ گئے۔
ماہرین کے مطابق ذخائر میں کمی ملکی معیشت کے لیے تشویش کا باعث ہے، جبکہ آئندہ ہفتوں میں مالیاتی استحکام کے لیے مزید اقدامات کی ضرورت پڑ سکتی ہے۔
