پاکستانی شوبز انڈسٹری کے معروف اداکار نعمان اعجاز نے شوبز سے حاصل ہونے والی آمدن کو حرام قرار دینے کے معاملے پر دو ٹوک جواب دے دیا۔
نعمان اعجاز نے شوبز کی کمائی پر ہونے والی تنقید کا جواب دیتے ہوئے کہا ہے کہ دوسروں پر انگلی اٹھانے کے بجائے انسان کو پہلے اپنے اعمال اور سوچ کا جائزہ لینا چاہیے۔
اپنی بے باک گفتگو اور سماجی معاملات پر کھل کر رائے دینے کے لیے مشہور نعمان اعجاز نے ایک یوٹیوب ویڈیو میں اپنے ایک دوست کی جانب سے بھیجا گیا پیغام شیئر کیا، جس میں حلال اور حرام کی پہچان کے حوالے سے بات کی گئی تھی۔
اداکار نے کہا کہ اللہ تعالیٰ نے انسان کو بہت سی چیزوں کی پہچان فطری طور پر عطا کی ہے، انسان گرم چیز کو چھو کر، سخت چیز کو دانتوں سے، کڑوی چیز کو زبان سے اور خراب چیز کو ناک سے محسوس کر لیتا ہے، لیکن حلال اور حرام میں فرق کرنا انسان کے اپنے شعور، ضمیر اور فیصلوں پر چھوڑا گیا ہے۔
