لاہور جنرل ہسپتال (ایل جی ایچ) نے پنجاب کے پہلے عوامی تدریسی ہسپتال میں اپنا پہلا بون میرو بینک قائم کر دیا۔
ڈان اخبار میں شائع رپورٹ کے مطابق ایل جی ایچ نے پنجاب کے پہلے عوامی تدریسی ہسپتال میں اپنا پہلا ’بون بینک‘ قائم کیا ہے اور یہ ملک میں سندھ انسٹی ٹیوٹ آف یورولوجی اینڈ ٹرانسپلانٹیشن (ایس آئی یو ٹی) کے بعد دوسرا بون بینک ہے، اس کا مقصد بون کے نقصانات کی مرمت اور ٹرانسپلانٹ کے لیے بون فراہم کرنا ہے۔
یہ بون بینک ڈونر سے حاصل شدہ بون کے ٹشو (ایلوگرافٹ) کو جمع کرنے، پراسیس کرنے، محفوظ رکھنے، تقسیم کرنے اور ذخیرہ کرنے کے لیے بنایا گیا ہے اور اسے اس شعبے میں ایک اہم قدم قرار دیا گیا ہے۔
پنجاب ہیومن آرگن ٹرانسپلانٹ اتھارٹی (پی ایچ او ٹی اے) نے اس پروجیکٹ کو منظور کیا ہے۔
ایک سینئر ڈاکٹر کے مطابق اس بون بینک کا مقصد بون کے ٹشو کو جمع کرنا، پراسیس کرنا اور محفوظ رکھنا ہے تاکہ مستقبل میں سرجری اور ٹرانسپلانٹ کے دوران اسے استعمال کیا جا سکے۔
یہ سہولت خاص طور پر اس وقت ضروری ہوتی ہے جب مریض کی اپنی بون میں نقص ہو یا ریویژن سرجری کے لیے بون کی ضرورت پڑے۔
اس عمل میں سرجری کے ذریعے بون نکالنا، اسے کسی بیماری کے لیے چیک کرنا اور پھر فریز یا فریز ڈرائی کرنے جیسی تکنیکوں سے پراسیس اور محفوظ کرنا شامل ہے۔
سینئر ڈاکٹر کے مطابق دنیا کا پہلا جدید بون بینک 1949 میں امریکا میں قائم ہوا، جس کا مقصد جنگ کے زخموں سے پیدا ہونے والی بون کے نقصانات کو حل کرنا تھا، تب سے مختلف ممالک میں بون بینک قائم ہوئے، جیسے بھارت میں 1988 اور پاکستان میں 2015 میں سندھ انسٹی ٹیوٹ آف یورولوجی اینڈ ٹرانسپلانٹیشن (ایس آئی یو ٹی) میں۔
