کیا آپ بھی ہر وقت تھکاوٹ محسوس کر رہے ہیں؟ بازار، دفتر یا گاڑی چلانے کے دوران اکثر لوگ تھکن کا شکار نظر آتے ہیں۔ یہ محض معمولی تھکن نہیں، بلکہ اکثر جسم میں آئرن کی کمی یعنی انیمیا کی وجہ سے ہوتا ہے۔ آئرن کی کمی کے باعث جسم خون کے سرخ خلیات اور ہیموگلوبن بنانے میں ناکام رہتا ہے، جس سے پورے جسم میں آکسیجن کی کمی ہوتی ہے۔
یہ کمی نہ صرف تھکاوٹ اور کمزوری کا سبب بنتی ہے بلکہ سر درد، چکر آنا، سانس لینے میں مشکل، سرد ہاتھ پیر، زرد جلد اور سینے میں تکلیف جیسی علامات بھی پیدا کرتی ہے۔
اس کا حل؟ آئرن سے بھرپور غذائیں! سرخ گوشت، کلیجی، مرغی، مچھلی، سبز پتوں والی سبزیاں، کشمش، گریاں اور بیج روزانہ کے کھانے میں شامل کریں تاکہ جسم کو مطلوبہ مقدار میں آئرن مل سکے اور تھکن دور ہو۔ اپنی صحت کا خیال رکھیں، تھکاوٹ کو معمول نہ بننے دیں
72
