بلوچستان کے 20 اضلاع میں 4 جولائی سے 8 جولائی تک مون سون بارشوں کے نئے اسپیل کا امکان ہے۔پی ڈی ایم اے نے بلوچستان میں بارشوں کے حوالے سے الرٹ جاری کردیا ہے۔ محکمہ موسمیات کے مطابق بلوچستان کے 20 اضلاع شیرانی، ژوب ، زیارت، موسیٰ خیل، دکی، لورالائی، ہرنائی، سبی، بارکھان، نصیر آباد، اوستا محمد، قلات ،لسبیلہ ، سوراب، خضدار ، آواران، صحبت پور ، جعفر آباد، ڈیرہ بگٹی اورکوہلو میں 4 جولائی سے 8 جولائی تک بارشوں کا امکان ہے۔پی ڈی ایم اے حکام کے مطابق بارشوں سے صوبے کے کچھ علاقوں میں سیلابی ریلوں کا خدشہ ہے ۔پی ڈی ایم اے کے مطابق سیاح اس دوران غیر ضروری سفر سے گریز کریں جب کہ شہری ڈیم اور پکنک پوائنٹس سے دور رہیں۔جمعرات کی سہ پہر بلوچستان کے علاقے کوہلو کے علاقے کوہ جاندران میں موسلادار بارش کے باعث گاڑداوغ ندی اور نشیبی علاقے زیر آب آگئے اور ندی نالوں میں طغیانی آنے سے لوگوں کی مشکلات بڑھ گئیں انہیں ایک مقام سے دوسری جانب جانے سے دشواری کا سامنا کرنا پڑا۔
51
