کراچی سے کوئٹہ جانے والی مسافر بس پر حملے میں بچ جانے والے مسافروں کا کہنا تھا کہ دہشت گردوں نے بس پر اندھا دھند فائرنگ کی ،ہم لوگوں کیلئے دعا کرتے ہیں ہمیں دہشت گردوں نے کس بات کی سزا دی ۔ بس میں معروف قوال ندیم صابر بھی موجود تھے جو کوئٹہ جارہے تھے ان کا اپنے تاثرات میں کہنا تھا کہہم قوالی کے فنکشن کیلئے جا رہے تھے اور اپنی منزل سے صرف آدھ گھنٹے دور تھے کہ یہ واقعہ ہواہم قوال لوگ ہیں ہمارے کیا قصور تھاہم لوگوں کیلئے دعا کرتے ہیں ہمیں دہشت گردوں نے کس بات کی سزا دی۔
ان کاکہنا تھا کہ فائرنگ سے ہمارے تین بھائی شہید ہو گئیہمارے دیگر ساتھی زخمی ہوئے، ہمارا سارا سامان تباہ ہو گیا ہے ہمارا تو کسی سے جھگڑا بھی نہیں تھا ۔
بس میں ایک اور بچ جانے والے مسافر کا کہنا تھا کہ ہم کراچی سے کوئٹہ جا رہے تھے کہ اچانک ہم پر حملہ ہوا مارے ساتھ تقریباً تمام لوگ زخمی ہو گئے ہیں ہمارے ساتھ بہت زیادتی ہوئی ہم غریب اور مزدور لوگ ہیں۔
ذرائع کا کہنا تھا کہ جب سے سکیورٹی فورسز نے فتنہ الہندوستان کے دہشتگردوں کے خلاف کامیاب آپریشن شروع کیے ہیں اور ایف سی نے بارڈر سیل کر کے ان کی سمگلنگ کی آمدن بند کی ہے یہ بزدل دہشت گرد بھوکلاہٹ کا شکار ہو کر معصوم لوگوں کی جانوں کے درپے ہیں ہائی ویز پر مسافر بسوں پر دہشت گردانہ حملوں کی دو وجوہات میں سے ایک یہ کے یہ سافٹ ٹارگٹ ہیں ہیں ۔ ذرائع کا مزید کہنا تھا کہ دوسری وجہ ایسے واقعات کر کے فوج و ایف سی کو بارڈر اور آپریشن ایریا سے ہٹا کر ان جگہوں کی طرف لانا چاہتے ہیں تاکہ یہ دہشت گرد بارڈر اور آپریشن والے ایریا میں آسانی سے کام کر سکیں انشاللہ فتنہ الہندوستان کے ان دہشت گردوں کا جلد قلعہ قمع کیا جائے گا۔
