ایشین کرکٹ کونسل (اے سی سی) کے صدر محسن نقوی نے ستمبر میں شیڈول ایشیاء کپ 2025 کے وینیوز کا اعلان کر دیا۔
سماجی رابطے کے پلیٹ فارم ایکس پر شیئر کی گئی محسن نقوی کی پوسٹ کے مطابق آٹھ ٹیموں کے درمیان کھیلا جانے والا ایونٹ متحدہ عرب امارات کے دو مقامات (دبئی کرکٹ اسٹیڈیم اور ابو ظبی کے زید کرکٹ اسٹیڈیم) پر منعقد ہوگا۔
ابو ظبی کا زید کرکٹ اسٹیڈیم ایونٹ کے آٹھ میچز کی میزبانی کرے گا جس میں 23 ستمبر کا سپر فور کا ایک مقابلہ بھی شامل ہے۔
جبکہ ٹورنامنٹ کا زیادہ تر حصہ دبئی اسٹیڈیم میں کھیلا جائے گا جس میں 14 ستمبر کو پاک بھارت ٹاکرا اور 28 ستمبر کو شیڈول فائنل شامل ہے۔
9 ستمبر سے 28 ستمبر تک جاری رہنے والے ایشیاء کپ کے تمام میچز مقامی وقت کے مطابق شام چھ بجے شروع ہوں گے سوائے 15 ستمبر کے میچ کے۔
واضح رہے 2026 میں شیڈول ٹی ٹوئنٹی ورلڈ کپ کی وجہ سے یہ ٹورنامنٹ ٹی ٹوئنٹی فارمیٹ کی طرز پر کھیلا جائے گا۔
