ہماری فورسزز نے بھارت کو ایسی شکست دی کہ وہ یاد رکھے گا،ملک کی معیشت کو پروان چڑھانے کی کوششیں جاری ہیں.وہ ہفتہ کو گورنرہاؤس میں جشن آزادی معرکہ حق کی تقریب سے خطاب کررہے تھے ۔تقریب میں شہدا کے اہل خانہ شریک ہوئے ۔گورنرہاوس میں اسکاوٹ کے بچوں کی بڑی تعداد شریک تھے ۔تقریب میں ترکیہ کے قونصل جنرل ۔ایم کیوایم کے مرکزی رہنما انیس قائم خانی اور دیگر بھی موجود تھے ۔گورنر سندھ کامران ٹیسوری نے کہا کہ ہم نے اس ماہ کوجشن آزادی معرکہ حق کانام دیا۔اس قریب میں شہدا کے اہل خانہ موجودہیں۔شہدا نے اپنی جانوں کا نذرانہ پیش کیا۔شہدا کی قربانیوں نے ہمارے ملک کومحفوظ بنارکھا ہے ۔انہوں نے کہا کہ ہم نے دس مئی کو بھارت کو دھول چٹائی تھی۔بھارت اپنی شکست رہتی دنیا تک یاد رکھے گا،بھارتی سرکار کشمیرمیں مظالم ڈھا رہاہے ۔ترکیہ نے ہمارے ساتھ ہر سطح پرتعاون کیا ہے جس پر ان کا شکریہ ادا کرتے ہیں۔انہوں نے کہا کہ ایم کیوایم پاکستان بھی جشن آزادی معرکہ حق منارہی ہے ،ہم فتحیاب قوم کی صورت میں ابھرکرسامنے آئے ہیں۔ہم سبزہلالی پرچم کی شان بڑھانے کی ہرطرح کوشش کرتے رہیں گے ۔ پاکستان کی سالمیت اس کی بقاکے لیے ہماری افواج کی لازوال قربانیوں کی داستان ہے ۔
16
