آبنائے ہرمز میں 20 لاکھ بیرل تیل سے بھرا سپر ٹینکر ڈوب گیا، ایران

39

ایران کی پاسدارانِ انقلاب نے دعویٰ کیا ہے کہ آبنائے ہرمز میں بحری بارودی سرنگ سے ٹکرانے اور شدید دھماکے کے بعد 20 لاکھ بیرل سے زائد خام تیل لے جانے والا ایک بڑا آئل ٹینکر ڈوب گیا جبکہ ایک دوسرے آئل ٹینکر میں بھی بارودی سرنگ سے ٹکرانے کے بعد آگ لگ گئی۔

غیر ملکی خبر رساں ادارے اے ایف پی کے مطابق ایرانی پاسدارانِ انقلاب کی بحریہ نے اتوار کو جاری بیان میں کہا کہ دو آئل ٹینکر آبنائے ہرمز کے جنوبی حصے سے ایک ایسے بحری راستے کے ذریعے گزرنے کی کوشش کر رہے تھے جسے ایران نے غیر مجاز قرار دیا تھا۔

دونوں جہاز سمندری بارودی سرنگوں سے ٹکرا گئے، جس کے نتیجے میں شدید دھماکے ہوئے اور ان میں آگ بھڑک اٹھی۔

پاسدارانِ انقلاب کا کہنا ہے کہ ان میں سے ایک سپر ٹینکر، جس میں 20 لاکھ بیرل سے زیادہ خام تیل موجود تھا، خلیج کے جنوبی پانیوں میں ڈوب گیا۔

ایرانی حکام نے دونوں جہازوں کے نام، ان کے جھنڈوں اور عملے کی قومیت کے بارے میں تفصیلات فراہم نہیں کیں۔

اس خبر پر اپنی رائے کا اظہار کریں

اپنا تبصرہ بھیجیں